Rwanda Premier League :Marine FC yihagazeho imbere ya Rayon Sports FC

Tariki 17 Kanama 2024 nibwo shampiyona y’u Rwanda “Rwanda Premier League” yakomezaga hakinwa umukino yawe gusa waruteganyijwe.

Hari hateganyijwe umukino umwe mu mugi wa Kigali, Aho Rayon Sports FC yari yakiriye Marines FC kuri Kigali Pele Stadium..

Ni umukino watangiye ku isaha ya saa cyenda (15H00) wanyuraga kuri Maagic Sports,Rayon Sports FC  nk’ikipe yari iwayo yatangiye ishaka ishaka igitego cyane,ariko amahirwe babonaga ntibyakunda ko bayabyaza umusaruro, Marine FC nayo yanyuzagamo nayo igasatira ishaka igitego.

Ku munota wa 12, Charles Baale yagerageje ishoti rikomeye ariko umunyezamu arawufata.

Rayon Sports FC yongeye kuzamuka neza ku munota wa 20 maze Elanga-Kanga ahindura umupira mwiza imbere y’izamu ariko Muhire Kevin ashyize mu izamu umunyezamu awukuramo byoroshye.

Rayon Sports FC yakomeje gushyira igitutu kuri Marines FC ishaka igitego ariko ntabyagira icyo bitanga.

Igice cya mbere cyarangiye amakipe yombi ntayishoboye kubona igitego ari 0-0.

Mu gice cya kabiri 

Rayon Sports Fc yatangiye igice cya kabiri ikora impinduka, Charles Baale aha umwanya Iraguha Hadji.

Ku munota wa 47 Omborenga yahinduye umupira mwiza imbere y’izamu ariko Iraguha Hadji ateye mu izamu bawohereza muri koruneri itagize icyo itanga.

Ku munota wa 62 Haruna Niyonzima yinjiye mu kibuga asimbura Aruna Moussa Madjaliwa.

Ku munota wa 63 Taiba wa Marines yagerageje ishoti rikomeye ariko umupira unyura hanze y’izamu.

Rayon Sports FC yakomeje gushaka uko yabona igitego imbere ya Marine FC, ariko igorwa no kubyaza umusaruro amahirwe yabonye bigaragara ko ifite ikibazo cya Rutahuzamu.

Marine FC n yanyuzagamo igasatira ariko umunyezamu Patient abyitwaramo neza.

Ku munota wa 88 Seif yahaye umupira mwiza Elanga-Kanga ariko ateye umupira ufata igiti cy’izamu.

Nyuma yayo mahirwe, nta yandi mahirwe yongeye kuboneka.

Umukino warangiye nta kipe ishoboye kubona amanota y’umunsi wa mbere ahubwo bayagabanye.

Tariki ya 18 Kanama 2024 hateganyijwe umukino umwe uzahuza Muhazi United na Musanze FC.

Imikino yabaye ku wa Kane, Gasogi United yatsinze Mukura VS, Bugesera FC inganya na Amagaju FC ni mu gihe Gorilla FC yatsinze Vision FC 1-0.