Rwanda Premier League : Kiyovu Sports Club itangiye neza Shampiyona itsinda

Tariki 21 Kanama 20124 nibwo hakinwa umukino wa nyuma usoma umunsi  wa mbere wa Rwanda Premier League 2024-2025

Ni umukino wahuje amakipe abiri afashwa n’umugi wa Kigali, Kiyovu Sports Club yari yakiriye As Kigali FC.

Ni umukino wagombaga kuba warabaye tariki 16 Kanama 2024 ntiwaba kubera ko As Kigali FC yasabye ko umukino wasubikwa.

Kiyovu Sports FC yagiye gukina uyu mukino iburamo abakinnyi umunani (8), bayo bashya yaguze b’abanyamahanga aribo : Cedric Amis, Sugira, Jospin ,Gabriel, Baseluwa n’abandi batarabona ibyangombwa.

Kiyovu Sports Club yatangiye isatira ndetse ku munota wa 2 gusa ibona uburyo bwiza , butabashije kujya mu izamu 

ku munota wa 3 AS Kigali FC  nayo yabonye uburyo bwiza, ariko umupira uca hanze gato

ku munota wa 5 AS Kigali FC yongeye kubona uburyo imbere y’izamu, iyabivuze Oze imbere y’izamu wenyine agongana n’umuzamu benshi bacyeka ko ari Penalty, gusa Rulisa Patience wasifuye umukino avuga ko yigushije.

 AS Kigali FC yakomeje kurusha cyane Kiyovu Sports Club, ndetse ikomeza kuyihusha uburyo bwabazwe,

ku munota wa 15 AS Kigali FC yafunguye amazamu, ku mupira watewe na Nkubana Marc , Shabani Hussein Chabalala ashyiraho umutwe , Nzeyurwanda Djihadi ntiyamenya aho umupira unyuze.

AS Kigali FC yakomeje kurusha Kiyovu Sports club, ndetse ikomeza guhusha uburyo bwiza imbere y’izamu.

ku munota wa 44 Kiyovu Sports Club yishyuye igitego, cyatsinzwe na Tuyisenge Hakim (Dieme) .

Igice cya mbere cyarangiye amakipe yombi anganyije 1-1

Mu gice cya kabiri 

AS Kigali FC yatangiye ikora impinduka, Armel Gislain asimbura Iyabivuze Oze,

Kiyovu Sports Club yatangiye igicee cya 2 isatira cyane ndetse ku munota wa 48 ihusha uburyo bwiza imbere y’izamu, 

AS Kigali FC nayo yanyuzagamo ikabona uburyo bwiza , binyuze ku bakinnyi nka Shabani Hussein Chabalala,

ku munota wa 76 Kiyovu Sports Club yatsinze igitego cya 2 cyatsinzwe na Mugisha Desire ku mupira waruvuze kuri kufura, umuzamu wa As Kigali FC awugarura murubuga rw’amahina maze Mugisha Désiré wavuye muri Marine FC ahita atsinda igitego cye cya mbere muri Kiyovu Sports Club.

Iki gitego cyateje imvururu nyinshi abakinnyi ba AS Kigali bavuga ko habayeho kurarira ,abasifuzi baganiriye, nyuma bemeza ko ar’igitego nta kurarira byabayeho.

Nyuma y’iki gitego,AS Kigali FC yakomeje gusatira cyane ishaka uko yishyura , gusa Nzeyurwanda Djihadi umuzamu wa Kiyovu Sports Club akomeza kuyibera ibamba.

Umusifuzi yongeyeho iminota icumi(10), As Kigali FC yakomeje gushaka uko yagombora igitego ariko,amahirwe yabonye ntiyashobora kubona igitego cyo kwishyura.

Umukino warangiye Kiyovu Sports Club ibonye intsinzi y’amanota atatu, ihita ifata umwanya was mbere w’agateganyo.

Kiyovu Sports Club, izakurikizaho umukino wa Mukura VSL tariki 14 Nzeri 2024, mu gihe As Kigali FC yo izakina na Musanze FC.