Kobbie Mainnoo yahamgawe mu Bwongereza ku nshuro ya mbere

Umukinnyi ukina mu kibuga hagati muri Manchester United, Kobbie Mainoo yahamagawe mu ikipe y’Igihugu y’Ubwongereza ku nshuro ya mbere, mu gihe yitegura gukina imikino ya gicuti izayuhuza na Brazil n’Ububiligi.

Kobbie Mainoo w’imyaka 18 y’amavuko yari yahamagawe mu ikipe y’abatarengeje imyaka 21 y’Ubwongereza ariko yashyizwe mu ikipe ya mbere na Gareth Southgate.

Ubwongereza buzahura na Brazil ku wa Gatandatu n’Ububiligi ku wa 26 Werurwe, imikino yose ikazabera Wembley, ikaba imikino ya nyuma bazakina mbere yo kwitabira Euro 2024.

Abakinnyi bose uko ari 26 bamaze kugera kuri St George’s Park ku wa Kabiri.

Maino wazamukiye mu bakiri bato ba Manchester United yakiniye Ubwongereza mu batarengeje imyaka 17, 18 na 19.

Kobbie Mainoo yakinnye umukino we wa mbere mu ikipe ya mbere ya Manchester United abanje mu kibuga mu Ugushyingo nyuma yahp aza kuyikinira imikino 19.

Yatsinze igitego cye cya mbere muri Manchester United mu mukino wa FA Cup batsinzemo Newport mu mpera za Mutarama, mbere yo gutsinda igitego cyo mu minota ya nyuma ku mukino batsinzemo Wolves iminsi ine yakurikiyeho.

Kobbie Mainoo yishimira igitego yatsinze Wolves

Abandi bakinnyi nka Anthony Gordon wa Newcastle na Jarrad Branthwaite wa Everton nabo bari mu bakinnyi bageze kuri St George’s Park nyuma yo guhamagarwa ku nshuro ya mbere mu ikipe nkuru y’Ubwongereza.

Abakinnyi bose bahamagawe:

Abazamu: Sam Johnstone (Crystal Palace), Jordan Pickford (Everton), Aaron Ramsdale (Arsenal)

Ba Myugariro: Jarrad Branthwaite (Everton), Ben Chilwell (Chelsea), Lewis Dunk (Brighton), Joe Gomez (Liverpool), Ezri Konsa (Aston Villa), Harry Maguire (Man Utd), John Stones (Man City), Kyle Walker (Man City)

Abo mu kibuga hagati: Jude Bellingham (Real Madrid), Conor Gallagher (Chelsea), Jordan Henderson (Ajax), James Maddison (Tottenham), Declan Rice (Arsenal), Kobbie Mainoo (Man Utd)

Ba Rutahizamu: Jarrod Bowen (West Ham), Phil Foden (Man City), Anthony Gordon (Newcastle), Harry Kane (Bayern Munich), Cole Palmer (Chelsea), Marcus Rashford (Man United), Bukayo Saka (Arsenal), Ivan Toney (Brentford), Ollie Watkins (Aston Villa)