Ikipe ya APR BBC yasimbujwe RSSB tiger mu mikino ya BAL yagombaga kwitabira muri Uku kwezi.

Ishyirahamwe ry’umukino wa Basketball mu Rwanda FERWABA rimaze gutangazako ko APR BBC itagihagarariye u Rwanda mu irushanwa rya BAL. ahubwo Yasimbujwe RSSB Tigers Basketball Club.

Mu itangazo iri shyirahamwe ryashyize hanze kuri uyu wa Kane, ryavuze ko RSSB Tigers Basketball Club yahawe aya mahirwe kubera umusaruro mwiza iyi kipe yagaragaje muri shampiyona y’u Rwanda.

FERWABA itangaje iki cyemezo nyuma y’amasaha make n’ubundi Umutoza wa APR BBC, James Maye Jr, aciye amarenga ko iyi kipe itazakina iri rushanwa rihuza amakipe akomeye muri Afurika muri Basketball rya BAL 2026.

Ibi FERWABA yabitangaje ivugako ishingiye ku cyemezo ikipe ya APR BBC yari yafashe cyo kwikura kwirushanwa.

Mu butumwa bwanyujijwe ku rubuga rwa Instagram rw’Umutoza wa APR BBC, James Maye Jr, yavuze ko “Nta kibabaje umutima kirenze iki! Umwaka urenga mu kazi kenshi, bigiye gutyo gusa.”