Igitutu cy’Amahanga gishobora gutuma Besigye arekurwa

Umuryango w’ibihugu bivuga ururimi rw’icyongereza, Commonwealth wahamagariye Uganda, kimwe mu bihugu 56 bigize uyu muryango, kurekura umunyapolitiki utavuga rumwe n’ubutegetsi Kizza Besigye, uvuga ko ifungwa rye ryabangamiye demokarasi n’uburenganzira bwa muntu.

Cyokora Perezida Yoweri Museveni yamaganye impungenge zijyanye n’ubuzima bwa Besigye, avuga ko kwigaragagambya yiyicisha inzara ari ugusebanya agamije gutera imbabazi ngo abone uko aburana ari hanze.

Ugukurikiranwa n’urukiko rwa gisirikare kwa Besigye umaze igihe kirekire anenga Perezida Museveni no kuba amaze amezi hafi atatu afunze, byatumye rubanda irakarira guverinema. Uyu munyepolitiki mu byo ashinjwa harimo gutuma imbunda mu buryo butemewe n’amategeko.

Besigye w’imyaka 68 y’amavuko yatangiye imyigaragambyo yo kwiyicisha inzara mu cyumweru gishize, kandi yashyizwe mu bitaro igihe gito mu mpera z’icyumweru, nk’uko umucamanza w’incuti ye yabivuze.

Umunyamabanga mukuru w’umuryango w’ibihugu bikoresha uurimi rw’iyongereza, Commonwealth, Patricia Scotland, yavuze ko ifungwa rya Besigye, umwunganizi we n’uwo bafatanyije muri politiki, byatesheje agaciro “amahame ya demokarasi, uburenganzira bwa muntu n’ubuyobozi bugendera ku mategeko”.

Mw’itangazo Scotland yakomeje agira ati: “Umuryango wa Commonwealth buri gihe wagiranye na Uganda umubano ushingiye ku kwizerana kandi utegereje ukugaruka kwa politiki itagira uwo iheza kandi ishingiye kuri demokarasi kandi politiki inyuze mu mahame ya Commonwealth”.

Guverinoma ya Uganda yabanje guhakana ibirego byo guhohotera uburenganzira bwa muntu, ivuga ko guta muri yombi no gukurikirana abantu, bikorwa hakurikijwe amategeko. (Reuters).