Gen Igor Kirillov w’u Burusiya yaturikanwe n’igisasu cyari giteze kuri moto

Lt Gen Igor Kirillov wari ukuriye Ingabo z’u Burusiya zishinzwe kurinda intwaro kirimbuzi, yapfuye aturikanwe n’igisasu.

Uyu musirikare yapfuye kuri uyu wa Kabiri nk’uko Televiziyo y’igihugu cy’u Burusiya yabitangaje.Amakuru avuga ko igisasu cyamuturikanye cyari giteze muri moto y’amashanyarazi.

Lt Gen Igor Kirillov yari akuriye Ingabo z’u Burusiya zishinzwe kurinda intwaro kirimbuzi kuva muri 2017.

Kirillov yapfuye nyuma y’umunsi umwe Urwego rushinzwe umutekano mu Burusiya (SBU) rumukatiye adahari, nyuma yo kumuhamya gukoresha muri Ukraine intwaro z’ubumara zitemewe gukoreshwa mu ntambara.

SBU ivuga ko u Burusiya bumaze gukoresha muri Ukraine intwaro zo muri ubwo bwoko zirenga 5,000.

Lt Gen Igor Kirillov wapfuye yari asanzwe yarafatiwe ibihano n’ibihugu birimo u Bwongereza kubera uruhare rwe mu ntambara yo muri Ukraine.