Football: Rayon Sports FC ikomeje kwiyubaka yitegura Shampiyona ya 2024-2025

Mu gihe Shampiyona ibura iminsi 16 ngo itangire amakipe akomeje kwiyubaka yitegura Shampiyona 2024-2025, aho amakipe akomeje kugura abakinnyi.

Umuyobozi wa Rayon Sports FC yatangaje ko mbere y’uko bakina na Azam FC kuri Rayon Day bazaba bazanye abakinnyi batatu, aho bavugaga ko bagomba kuzana abakinnyi batatu, harimo babiri basatira izamu ndetse n’umwe wo mubwugarizi.

Tariki 29 Nyakanga 2024 nibwo umunyabon Nathanael Iga ukina asatira izamu yageze mu Rwanda aho aje gufasha Rayon gushaka ibitego byabuze. Nta gihindutse arasinya amasezerano y’imyaka ibiri. Kuko avuga ko ibiganiro byagenze neza.

Nyuma y’uyu rutahizamu uva muri Gabon, bategereje undi ugomba kuva muri Senegal ndetse na myugariro.

Twabibutsa ko Rayon Sports FC ikomeye kwitegura umukino uzayihuza na Azam FC kuri Rayon Day uteganyijwe Tariki 3 Kanama 2024, ni muri urwo rwego tariki 31 Nyakanga 2024 bafite umukino uzayihuza na Muhazi United FC.