Football: Ferwafa yahaye umugisha ubusabe bwa As Kigali FC bwo kwimura umukino wayo na Kiyovu Sports Club

Tariki 14 Kanama 2024,Umuyobozi wa AS Kigali FC, Shema Fabrice yandikiye FERWAFA ayisaba ko basubika umukino bafitanye na Kiyovu Sports Club tariki 16 Kanama 2024.

Iyi baruwa yamenyeshejwe Rwanda Premier League na Kiyovu Sports Club, Ubuyobozi bwa AS Kigali FC bwavuze ko bushaka ko uyu mukino usubikwa kubera ibibazo iyi kipe itari yarabonye ngo ibikemure mbere.

N’umukino w’umunsi wa mbere wa Shampiyona y’icyiciro cya Mbere mu Rwanda  2024/2025, waruteganyijwe ko AS Kigali FC itangira isura  Kiyovu Sports Club kuri Stade Régionale ya Kigali yitiriwe Pelé i Nyamirambo,  taliki 16 Kanama,  ku isaha ya saa Cyenda(15H00).

Ni ibintu AS Kigali FC ivuga ko yanaganiriye ndetse ikabyemeranyaho n’Ubuyobozi bwa Kiyovu Sports Club buyobowe  na Perezida David Bugingo Nkurunziza.

Nyuma y’uko AS Kigali FC yanditse isaha ko umukino waba tariki 21 Kanama 2024. Ferwafa ndetse na Rwanda Premier League bemeye ubwo busabe, maze bamenyesha amakipe yombi ko umukino uzaba ku itariki yavuzwe haruguru.