Basketball: Shampiyona irakomeza aho REG BBC ihura na APR BBC

Tariki 31 Nyakanga 2024 muri LDK nibwo hateganyijwe gukinwa imikino itatu ku makipe  arimo guhatanira kuza mu makipe ane ya mbere azakina imikino ya kamarampaka.

Nk’uko ishyirahamwe ry’umukino wa Basketball mu Rwanda (Ferwaba) ryabitangaje.

Imikono itatu iteganyijwe kuba ni APR BBC na REG BBC

Espoir BBC na Kepler BBC

UGB na Kigali Titans BBC

Nk’uko bigaragara umukino w’umunsi n’uhuza REG BBC na APR BBC uri bube Ku isaha ya Sawa mbiri n’igice (20H30).

Uyu mukino uvuze byinshi ku mpande zombi, kuko n’amakipe akurikiranye k’urutonde rwa Shampiyona rwagateganyo aho APR BBC iri Ku mwanya wa kabiri n’amanota 29 mu mikino 15 bivuze ko APR BBC isigaje imikino itatu kugira ngo Shampiyona irangire naho REG BBC ikaza ku mwanya wa Gatatu n’amanota 25 mu mikino 14 Aho isigaje imikono ine.

Ikipe yatsinda uyu mukino yaba irimo gusatira kuzarangiza iri ku mwanya wa kabiri kuko nk’uko bigaragara biragoye ko Patriots yatakaza umwanya wa mbere kuko kugeza ubu ntiratsindwa.

Mu mukino uheruka guhuza aya makipe  warangiye APR BBC itsinze REG BBC amanota 78-75.

Undi mukino utaribube woroshye na gato n’umukino uteganyijwe kuba ku isaha ya saa Kumi n’ebyiri (18H00), hagati ya Espoir BBC na Kepler BBC

Uyu mukino nturi bube woroshye na gato, kuko buri kipe ishaka I kuza mu makipe ane ya mbere azakina imikino ya Kamarampaka.

Espoir BBC iri Ku mwanya wa gatanu n’amanota 24 ndetse imaze gukina imikino 15 mu mikino 18 igomba gukina mu gihe Kepler BBC iri ku mwanya wa Gatandatu n’amanota 23 mu gihe imaze gukina imikino 15 muri 18.

Umukino uzihuza uraba ar’umukino wa 16 aho amakipe yombi aba asigaje imikino ibiri ngo Shampiyona irangire.

Mu gihe Kepler BBC yatsinda Espoir BBC yahita ifata umwanya wa Kane naho Espoir BBC ikajya ku mwanya wa Gatandatu naho Espoir BBC itsinze uyu mukino irahita ifata umwanya wa Kane ndetse ikaba ifite amahirwe yo kuba yawugumaho.

Undi mukino n’umukino udafite ikintu kinini ugamije, kuko Kigali Titans BBC iri ku mwanya was nyuma n’amanota 16 Aho isigaje imikino ibiri. Kugira ngo nyuma ntimanuke mu cyiciro cya kabiri n’uko yatsinda imikino yose ibiri isigaje ndetse niyo bihatanye UGB BBC ikayitsindwa.

Mu mikino UGB BBC isigaje harimo na Kigali Titans BBC. Bivuze ko igihe UGB BBC yatsinda Kigali Titans BBC yahita imanuka mu cyiciro cya kabiri.