Basketball: REG BBC na UGB BBC zitwaye neza mu mukino wa shampiyona

Tariki 13 Kanama 2024 mu ishuri rya Lycée de Kigali niho habereye imikino ibiri ya shampiyona yarigize icyo ivuze cyane ku makipe agomba kurangira mu makipe ane agomba kuzakina imikino ya kamarampaka azagaragaza uzatwara shampiyona y’uyu mwaka.

Imikino yariteganyijwe harimo umukino wagombye guhuza REG BBC na Kepler BBC imwe yari kù mwanya wa gatatu indi uri ku mwanya wa Kane. Undi mukino nawo wahuza Espoir BBC na UGB BBC.

Ni mikino yarifite byinshi isobanuye ku makipe yose ahatanira kuzaza mu makipe 4 ya mbere muri shampiyona ari nayo akina imikino ya kamarampaka izwi nka ‘BetPawa Playoffs”

REG BBC, mbere yo gukina uyu mukino yari ku mwanya wa 4 n’amanota 26 mu mikino 15 yarimaze gukina imikino. Ikaba yarisigaje imikino 3.

Nyuma yo gukina umukino wa 16 wayihuje na Kepler BBC yahise nayo igira imikino 16. REG BBC yasabwaga gutsinda uyu mukino kugira ngo ikomeze kugira icyizere cyo kuza ku mwanya wa gatatu.

Kepler BBC irimo ikina umwaka wayo wa mbere muri shampiyona y’icyiciro cya mbere, yagiye gukina uyu mukino iri ku mwanya wa 3 n’amanota 27, mu mikino 17 imaze gukina. Umukino yakinnye niwo wari umukino wanyuma wa 18.

Kepler BBC  yasabwaga gutsinda uyu mukino kugira ngo biyongerere amahirwe yo gusoza mu myanya 4 ya mbere. Gutsinda kwayo byari kuyiha kugira amanota 29.

Uyu mukino waje kurangira REG BBC itsinze KEPLER BBC amanota 98-73 ihita ifata umwanya wa gatatu byagateganyo n’amanota 28. Ikaba isigaje imikino ibiri ngo isoze shampiyona aho igomba gukina na Espoir BBC tariki 16 Kanama 2024. Uyu mukino ntuzaba woroshye kuko Espoir BBC isabwa kuwutsinda kugira ngo uzaze mu makipe ane azakina imikino ya kamarampaka. Mu gihe Espoir BBC itatsinda Kepler BBC niyo yahita ifata iguma ku mwanya wa kane igakina ku nshuro ya mbere imikino ya kamarampaka.

Agace ka mbere n’umukino karangiye REG BBC iyoboye n’amanota 22-18. Mu gace ka kabiri nako REG BBC yakomeje kugenda ikayoboye maze karangira itsinze amanota 28-14.

Bagiye kuruhuka REG BBC ifite amanota 50-32.

Bavuye kuruhuka mu gace ka gatatu REG BBC yakomeje  kugenda imbere nk’uko byagenze mu duce twa mbere twabanje, maze nako karangira REG BBC itsinze amanota 26-20

Mu gace ka nyuma ariko ka Kane, REG BBC yakomeje kugenda imbere ya Kepler BBC ,gusa muraka gace Kepler BBC wabonaga iri hejuru, kuko karangiye harimo ikinyuranyi cy’inota rimwe,kuko karangira igatsinze amanota 22-21

Umukino warangiye REG BBC itsinze Kepler BBC amanota 98-73

Nyuma y’uyu mukino hakurikiyeho umukino nawo utari woroshye wahuje Espoir BBC na UGB BBC.

Espoir BBC yagiye gukina uyu mukino iri ku mwanya wa 6 n’amanota 25 mu mikino 16 imaze gukina, bivuze ko yarisigaje gukina imikino 2, harimo uwa UGB BBC wari umukino wa 17 ndetse n’umukino was nyuma uzayihuza na REG BBC tariki 16 Kanama 2024.

Espoir BBC yarifite akazi katoroshye ko kwikura imbere ya UGB BBC, nyuma yo kumara imikino 3 yikurikiranya idatsinda, ariyo uwa shampiyona yatsinzwemo na Kepler BBC (81-79), ibiri ya Rwanda Cup, uwa 1/2 yatsinzwemo na REG BBC (98-72), ndetse n’uwa Patriots BBC (77-59), mu guhatanira umwanya wa 3.

Espoir BBC  yarikeneye gutsinda uyu mukino kugira ngo igume mu rugamba rwo kuza mu myanya 4 ya mbere.

UGB BBC yari ku mwanya wa 7 n’amanota 23, mu mikino 16 imaze gukina, bivuze ko yarisigaj gukina imikino 2, irimo umukino wayihuje na Espoir BBC ndetse ikazasoreza kuri Patriots BBC.

UGB BBC gutsinda uyu mukino byayifashije kuzamuka ku rutonde rwa shtumpiyona kuko yahise igira amanota 25.

Espoir BBC ntiyahiriwe n’uyu mukino kuko yaje kuwutsindwa bituma amahirwe yo kuza mu makipe ane ahatanira kuzakina imikino ya kamarampaka agabanyuka.

Espoir BBC niyo yinjiye mu mukino mbere ya UGB BBC, gusa UGB BBC yaje kuva inyuma ihita itsinda agace ka mbere k’umanota 21-18.

Mu gace ka kabiri Espoir BBC yagarukanye imbaraga mu minota itanu ya mbere ikuremo ikinyuranyo banganya 29-29. Gusa mu minota itanu isoza agace ka kabiri UGB BBC yongeye kujya imbere ya Espoir BBC maze itsinda amanota 22-4.

Aka gace karangiye UGB BBC itsinze amanota 30-15

Bagiye kuruhuka UGB BBC iyoboye n’amanota 51-33 ya Espoir BBC.

Bavuye ku ruhuka, Espoir BBC yagarukanye imbaraga nyinshi kurusha mu duce twa mbere twabanje, kuko, yahise itsinda agace ka gatatu k’umanota 24-13.

Mu gace ka nyuma,ariko ka Kane, nabwo Espoir BBC yakomeje gushaka uko yakuramo ikinyuranyo cyari cyagiyemo mu duce tubiri tubanza, ari nako UGB BBC nayo ishaka gukomeza kugumishamo icyo kinyuranyo. Aka gace kaje kurangira UGB BBC igatsinze amanota 15-11 maze umukino itangira UGB BBC itsinze amanota 79-68 bituma Espoir BBC amahirwe yo kuza mu makipe ane azakina imikino ya kamarampaka agabanyuka. Bikaba biyisaba gutsinda REG BBC ku mukino wa nyuma uzaba tariki 16 Kanama 2024.