Basketball : Patriots BBC ikomeje gukora agahigo ko kudatsindwa muri shampiyona

Tariki 16 Kanama 2024 muri BK Arena habereye imikino ya shampiyona, yagombaga kugaragaza amakipe ane azakina imikino ya Kamarampaka.

Umukino wari witezwe n’abakunzi ba Basketball n’umukino wagomba guhuza Patriots BBC na APR BBC. Ni umukino warusobanuye nyinshi ku mpande zombi.

APR BBC yakinaga umukino wayo wa nyuma mu gihe Patriots BBC yakinaga umukino wa 16 Aho yo isigaje imikino ibiri kugira ngo isoze shampiyona.

APR BBC yasabwaga gutsinda uyi mukino kugira ngo yizere kuzarangiza shampiyona iri ku mwanya wa mbere, ikaba ntegereje uko imikino ibiri izarangira. APR BBC gusa byayisabaga gutsinda amanota kuburyo hajyamo ikinyuranyo cy’amanota ari hejuru ya cumi n’atanu(15).

Ni umukino watangiye ku isaha ya saa mbiri n’iminota 45. Ni umukino watangiranye imbaraga nyinshi ku mpande zombi .

Mu minota itanu ya mbere y’agace ka mbere APR BBC irimbere n’amanota 12-11. Mu minota itanu ya nyuma y’agace ka kabiri Patriots BBC yagarukanye imbaraga itsinda amanota 9-8. Agace ka mbere karangiye banganya amanota 20-20.

Mu gace ka Kabii, mu minota itanu ya mbere APR BBC yongeye kujya imbere ya Patriots BBC irangira itsinze amanota 9-4, mu minota itanu ya nyuma y’agace ka kabiri APR BBC yakomeje kujya imbere maze itsinda amanota 10-9.

Agace ka kabiri karangiye APR BBC itsinze amanota 19-13. Bagiye kuruhuka APR BBC iyoboye n’amanota 39-33.

Abantu bagera ku bihumbi barindwi (7000), barimo gukirikirana umukino babonaga ko Patriots BBC igiye gutsindwa umukino wa mbere kuva shampiyona yatangira.

Bavuye kuruhuka, Patriots BBC yagarukanye imbaraga zidasanzwe mu gace ka gatatu, mu minota itanu ya mbere y’agace ka gatatu Patriots BBC yatsinze amanota 12-8 ya APR BBC, mu minota itanu ya nyuma y’agace ka gatatu, Patriots BBC yakomeje kurusha APR BBC,maze nayo irangira Patriots BBC itsinze amanota 7-6.

Agace ka gatatu karangiye Patriots BBC igatsinze amanota 19-14. Mu gace ka kane ari nako ka nyuma, Patriots BBC yakomeje kurusha APR BBC kuburyo bigaragara, maze mu minota itanu ya mbere y’agace ka Kane, Patriots BBC itsinda amanota 12-9,  mu minota itanu ya nyuma y’agace ka Kane ari nayo ya nyuma Patriots BBC yatsinze amanota 13-8. Maze aka gace ka kane karangira Patriots BBC igatsinze amanota 25-17. Umukino warangiye Patriots BBC itsinze amanota 77-70.

Nyuma yo gutsinda uduce tubiri twanyuma, Umukino warangiye yongeye gutsinda APR BBC nk’uko yari yayitsinze mu mukino was mbere bituma Patriots BBC ikomeza kugira agahigo ko kuba itaratsindwa na rimwe muri shampiyona. Iyi ntsinzi utumye Patriots BBC ishobora kurangiza shampiyona iri ku mwanya wa mbere, kuko isigaje gukina imikino ibiri gusa ngo nayo isoze shampiyona.

APR FC nyuma yo gutsindwa uyu mukino, amahirwe yayo yagabanutse yo kuba yaba iyambere. Kuko niyo zanganya amanota Patriots BBC yaba iya mbere kuko yayitsinze imikino yombi.

Undi mukino wari wabaye wari wahuje REG BBC na ESPOIR BBC 

Uyu mukino nta kintu kinini waruvuze ku ruhande rwa REG BBC,kuko kuwutsinda no kutawutsinda ntacyo byari guhindura ku mwanya iriho.

Ku ruhande rwa Espoir BBC uyu mukino waruvuze byinshi, kuko kuwutsinda byayihaga amahirwe yo gukina imikino ya kamarampaka iteganyijwe kuzaba tariki 28/8/2024. Mu gihe kuwitsindwa byatumaga ibura iyo tike,maze kepler BBC igahita ifata umwanya wa kane ku nshuro yayo ya mbere.

Uyu mukino watangiye saa kumi n’ebyiri warimo ukurikira n’abafana 500.

Agace ka mbere karangiye REG BBC itsinze amanota 28-19

Mu gace ka kabiri, nabwo REG BBC yakomeje kugenda imbere cyane, maze nako karangira igatsinze amanota 23-9

Bagiye kuruhuka REG BBC iyoboye n’amanota 51-28.

Bavuye kuruhuka, REG BBC yakomeje kugenda irusha cyane Espoir BBC,maze karangira igatsinze amanota 24-18.

Mu gace ka kane ari nako ka nyuma, Espoir BBC yakoresheje imbaraga nyinshi maze karangira igatsinze k’umanota 25-18.

Umukino warangiye REG BBC itsinze Espoir BBC amanota 93-71, maze Kepler BBC ihita ibona itike yo kuzakina imikino ya kamarampaka guhera tariki 28/8/2024.