Basketball: APR BBC yongeye kwereka REG BBC ko haribyo igomba kwiga kugirango iyitsinde

Tariki 31 Nyakanga 2024 nibwo habaga imikino ya shampiyona y’u Rwanda ya Basketball.

Hari hateganyijwe imikino itatu yose yabereye muri LDK

Wari  umukino w’umunsi wa 16 wa Shampiyona ya Basketball 2024, ni umukino wari witabiriwe n’abakunzi benshi bari bakubise buzuye bamwe bakanahagarara kuko imyanya yo kwicaramo yari yashize.

Mbere y’uko  umukino, utangira APR BBC niyo yahabwaga amahirwe yo gutsinda uyu mukino bitewe n’abakinnyi ifite ndetse n’umukino ubanza yari yatsinze REG BBC.

APR BBC yatangiranye imbaraga nyinshi ndetse ifite n’umukino wihuta cyane maze, agace ka mbere karangira APR BBC itsinze  amanota 25 kuri 13 ya REG BBC.

Mu gace ka kabiri k’umukino APR BBC yakomeje kongera ikinyuranyo aho karangiye igatsinze 24-14

Igice cya mbere cy’umukino cyarangiye APR BBC iyoboye n’ amanota 49 kuri 27 ya REG BBC.

Bavuye mu kiruhuko, REG BBC yaje ifite imbaraga kurusha APR BBC kuko yagerageje kugabanya ikinyuranyo ibifashijwemo na Antino Alvalezes.

APR BBC muri aka gace  ka gatatu yaje kugira ibyago ubwo Aliou Diarra yaje kuzuza amakosa atanu, asohorwa mu kibuga.

Nyuma y’uko Diarra asohotse mu kibuga byongereye imbaraga REG BBC maze igabanya ikinyuranyo cyarimo mu duce tubiri twambere.

Agace ka gatatu karangiye  REG BBC igatsinze amanota 27-13 byahise bituma igabanya ikinyuranyo. Kuko amanota yatsinze mu gace ka gatatu niyo yari yatsinze mu duce tubiri tubanza.

Mu gace ka kane ari nako ka nyuma  REG BBC wabonaga idafite gahunda yo kurekura yakomeje kotsa igitutu REG BBC ari nako ikomeza kugabanya ikinyuranyo bigera aho isigazamo inota rimwe ubwo hari hasigaye umunota umwe.

REG BBC yaje gukora ikosa mu masengonda ya nyuma ryatumye APR BBC igatsinze inota rimwe maze umukino urangira  APR BBC itsinze 77 kuri 75 ya REG BBC. Yongera kuyitsinda, bikomeye kugorana kuba REG BBC gutsinda APR BBC. Kuko n’umukino ubanza APR BBC yari yatsinze REG BBC amanota 78-75.

Nyuma y’uyu mukino APR BBC yahise ifata umwanya was mbere byagateganyo.

Indi mikino yabaye 

Espoir BBC yari yahuye na Kepler BBC, uyu mikino ntiwari woroshye, kuko wahuzaga amakipe akurikiranye k’urutonde.

Agace ka mbere karangiye amakipe yombi anganya amanota 17-17

Agace ka kabiri karangiye Espoir BBC itsinze Kepler BBC, amanota 17-15.

Bagiye kuruhuka Espoir BBC iyoboye n’amanota 34-32.

Bavuye mu kiruhuko Kepler BBC yagarukanye imbaraga, maze kirangira itsinze Espoir BBC amanota 32-23.

Mu gace ka Kane k’umukino ari Nako ka nyuma, Espoir BBC yagarukanye imbaraga ariko ntiyashobora gukuramo ikinyuranyo,maze umukino urangira Kepler BBC itsinze Espoir BBC amanota 22-18.

Umukino warangiye Kepler BBC itsinze Espoir BBC amanota 81-79.

Undi mukino nawo wari wabanje naho  UGB BBC yatsinze Kigali Titans BBC amanota 116-55. 

Agace ka mbere karangiye UGB BBC itsinze Kigali Titans BBC amanota 27-10

Mu gace ka kabiri, nabwo karangiye UGB BBC igatsinze amanota 24-14.

Bagiye kuruhuka UGB BBC iyoboye n’amanota 51-24.

Bavuye kuruhuka, UGB BBC yakomeje kuyirusha cyane, maze karangira igatsinze amanota 31-21

Mu gace ka nyuma UGB BBC yakomeje kugenda irusha Kigali Titans BBC ndetse kanarangira igatsinze amanota 34-10.

Umukino waje kurangira UGB BBC itsinze Kigali Titans BBC amanota 116-55

Nyuma y’uyu mukino Kigali Titans BBC yahise iguma ku mwanya wa nyuma wa 10 n’amanota 16 n’ubwo isigaranye Imikino ibiri ngo isoze shampiyona.