Basketball 2024: APR BBC yegukanye Rwanda Cup ku nshuro ya mbere

Tariki 9 Kanama 2024nibwo habaye umukino wa nyuma wa Rawnda Cup 2024 wabereye mu ishuri rya Lice ya Kigali.

Iki gikombe cyatangiye mu kwezi kwa Mata 2024 ikaba cyasojwe tariki 9 Kanama 2024.

Umukino wanyuma wahuje APR BBC yasezereye Patriots BBC muri 1/2 mu gihe REG BBC yasezereye Espoir BBC

Ni Umukino watangiye amakipe yombi ahangana dore ko nyuma y’uduce tubiri twa mbere amakipe yombi yarushanwaga amanota ane gusa, APR BBC yarifite amanota 54 naho REG BBC ifite amanota 50.

Agace ka gatatu ntikoroheye  REG BBC  kuko yatsinzemo amanota 10 gusa, mu gihe APR BBC  yatsinzemo amanota 33, karangiye APR BBC igize amanota 87 ku manota 60 ya REG BBC.

Aka gace karangiye APR BBC ifite amahirwe yo kwegukana igikombe yn’ubwo haburaga iminota icumi y’agace ka kane ari nako ka nyuma.

Agace ka kane REG BBC yagarukanye  imbaraga kurusha APR BBC, kugira ngo ikuremo ikinyuranyo cy’amanota yari yatsinzwe mu gace ka gatatu ntibyakunda n’ubwo karangiye igatsinze amanota 32-22 ariko ikinyuranyo cyagumyemo, maze umukino itangira APR BBC uwitsinze amanota 110-92.

Umukino warangiye APR BBC yongeye gutsinda REG BBC biba inshuro ya gatatu iyitsinda muri uyu mwaka w’imikino.

APR BBC mu mukino waherukaga kuyihuza na REG BBC yari yayitsinze muri shampiyona iyirusha amanota abiri 77-75.

Umukino warangiye APR BBC itwaye igikombe cya Rwanda Cup 2024 ku nshuro ya mbere itsinze REG BBC amanota 110-92.

Mbere y’uyu mukino hari habanje umukino wo gihatanirwa umwanya was gatatu, aho Patriots BBC yakinaga na Espoir BBC.

Bagiye kuruhuka Patriots BBC iyoboye n’amanota 37-24

Bavuye kuruhuka, Espoir BBC yakomeje gushaka uko igabanya ikinyuranyo, maze mu gace ka gatatu karangira igatsinze amanota 21-16

Mu gace ka nyuma Patriots BBC yagarukanye imbaraga, maze yongera imbaraga, maze irangira agatsinze amanota 24-14.

Umukino waje kurangira Patriots BBC yegukanye umwanya wa gatatu itsinze amanota 77-59 Espoir BBC.