Football: Vision FC yatangiye Rwanda Premier League 2024-2025 itsindwa

Tariki 15 Kanama 2024 nibwo shampiyona y’u Rwanda 2024-2025 (Rwanda Premier League) yatangiye.

Ku munsi wayo wa mbere hari hateganyijwe imikino umunani(8). Hakaba habaye imikino itatu mu gihe indi mikino iteganyijwe tariki 17 ,18 na 21 Kanama 2024 mu gihe imikino ibiri ariyo itazaba kubera ko amakipe yari gukina nayo makipe afie imikino nyafurika muri champion League na Confédération ariyo APR FC na Police FC.

Nk’uko bisanzwe Startimes izabagezaho imikino itatu imbonankubone (Live) kuri chaine ya Magic Sports.

Mu karere ka Huye

Mukura VS&L yari yakiriye Gasogi United FC mu mukino utari woroshye waje kurangira Gasogi United FC itsinze igitego 1-0.

Ni igitego cyatsinzwe na Harerimana Abel Aziz ku munota wa 32 kiba igitego gifungura shampiyona ya 2024-25 kuko ari cyo cyabonetse mbere y’ibindi.

Igice cya mbere cyarangiye Gasogi United FC iyoboye n’igitego 1-0

Mu gice cya kabiri nta kintu gikomeye cyabayeho,gusa umukino waje kirangira Gasogi United FC itahanye intsinzi y’igitego 1-0.

Mu mugi wa Kigali

Kuri Kigali Pelé Stadium,

Gorilla FC yari yakiriye Vision FC yari ikizamuka mu cyiciro cya mbere.

Ni Umukino wanyuze imbonankubone kuri Magic Sports k’ubufatanye na Startimes Rwanda. Kubantu bari mu Rwanda bashaka jya bakurikirana shampiyona bagura Decoderi ya StarTimes ku mafaranga ibihumbi cumi n’abitanu(15K), ndetse ku bari hanzendetse nababa bari mu kazi mwakoresha application ya StarTimes ON muri .telefone zanyu

Igice cya mbere Gorilla FC ni yo yabonye amahirwe ariko ntiyayabyaza umusaruro.

Igice cya mbere cyarangiye ari 0-0

Mu gice cya kabiri Vision FC yagerageje gusatira ariko umunyezamu Gad akuramo imipira ikomeye ya Ndekwe Felix.

Iminota 90 yarangiye nta kipe ubonye igitego ari 0-0

Umusifuzi yongeyeho iminota 6 yinyongera.

Ku munota wa 5 w’inyongera, Mugunga Yves yaje gutsindira Gorilla FC igitego umukino urangira ari 1-0.

Mu Karere ka Bugesera

Bugesera FC yakiriyemo Amagaju FC banganya ubusa ku busa.

Indi mikino iteganyijwe ku munsi wa mbere

Tariki 17 Kanama 2024

Rayon Sports FC vs Marine FC kuri Kigali Pele Stadium, uyu mukino muzawukirikirana kuri Magic Sports imbonankubone.

Tariki 18 Kanama 2024

Muhazi FC vs Musanze FC

Tariki 21 Kanama 2024

Kiyovu Sports Club vs As Kigali FC ,uyu mukino muzawukirikirana kuri Magic Sports imbonankubone.

Hakaba hasubitswe imikino ibiri izaba mu kwezi kwa nzeri