Football: Kiyovu Sports Club yerekanye abakinnyi izakoresha mu mwaka w’imikino 2024-2025 barimo na Okwi

Tariki 9 Kanama 2024 mu cyumba cy’inama cya hotel yo kwa Lando i Remera niho habereye umuhango wo kwereka abanyamuryango ba Kiyovu Sports Club abakinnyi bazakoresha mu mwaka w’imikino 2024-2025.

Ni umuhango wari witabiriwe n’abanyamuryango ba Kiyovu Sports.

Mu bakinnyi bagaragaye bashya nagiye gukinira Kiyovu Sports Club harimo Sugira Ernest, Cédric Hamis,Emmanuel Okwi, Jospin Nshimirimana na Nsanzimfura Keddy.

Agarutse muri Kiyovu Sports Club nyuma yo kuyivamo akajya muri APR FC ndetse no mu Misiri akaba agarutse murugo

Ni abakinnyi berekanywe mu muhango wo kumurika abakinnyi bashya Kiyovu Sports Club izakoresha mu mwaka w’imikino 2024-2025 wabereye mu cyumba cy’inama cya hotel Chez Lando i Remera.

 Sugira Ernest bakunze kwita rutahizamu w’abanyarwanda, Nsanzimfura Keddy wahoze muri iyi kipe ukubutse mu Misiri ndetse na Emmanuel Okwi na we wanyuze muri iyi kipe mu 2021/22. Ndetse na Cédric Hamis wamenyekanye muri Rayon Sports FC 

Mu bakinnyi basanzwe harimo umunyezamu Nzeyurwanda Djihad na Ishimwe Patrick,  Nizigiyimana Karim (Mackenzie), Kazindu Bahati Guy, Mbonyingabo Régis, Twahirwa Olivier ‘Timbo’, Nizeyimana Djuma, Sharif Bayo ndetse n’abandi.

 Amissi Cédric na Jospin Nshimirimana, Emmanuel Okwi ntibabashije kuboneka muri uyu muhango ariko na bo ni abakinnyi ba Kiyovu Sports Club muri uyu mwaka w’imikino 2024-2025.

Kiyovu Sports Club iheruka gukomorerwa ku bihano yari yarahawe n’Ishyirahamwe rya Ruhago ku Isi (FIFA) nyuma yo kwishyura amadeni rwari rufitiye abakinnyi benshi batandukanye mu buryo butubahirije amategeko.

Nyuma yo kwerekwa abanyamuryango, Sugira Ernest umaze igihe nta kipe afite yatangaje ko byose bizagaragarira mu kibuga.

Ati “Nishimiye kubana namwe, ntabwo narinzi igihe nzazira muri uyu muryango. Ibindi byose bizagaragarira mu kibuga.”

Muri uyu muhango, Perezida wa Kiyovu Sports Club, Nkurunziza David yavuze ko muri uyu mwaka Kiyovu Sports Club izatanga akazi kandi yifuza igikombe.

Yagize ati “Tugiye muri Shampiyona y’u Rwanda tugiye kuyitwara. Umupira ubera mu kibuga, nta bufindo bubaho mu gushyira mu nshundura kandi ntabwo ukinirwa muri banki.”

Kiyovu Sports Club izatangira Shampiyona yakira AS Kigali ku wa Gatanu, tariki 16 Kanama 2024 saa Cyenda kuri Kigali Pelé Stadium.

Emmanuel Okwi n’ubwo berekanye abakinnyi ataraza akaba yamaze kuhagera ndetse bakaba bafite umukino wa gicuti na Bugesera FC tariki 11 Kanama 2024 kuri Kigali Pele Stadium ku isaha ya saa cyenda (15H00).

Okwi agarutse muri Kiyovu Sports Club nyuma w’imyaka ibiri ayivuyemo ubwo Kiyovu Sports Club yabaga iya Kabiri muri Shampiyona irushwa inota rimwe na APR FC