Basketball: REG BBC na APR BBC zageze ku mukino wa nyuma wa Rwanda Cup

Tariki 7 Kanama 2024 muri  Lycée de Kigali niho habereye imikino ya 1/2 muri Rwanda Cup iri kuba ku nshuro yayo ya mbere.

Lycee de Kigali yari yuzuye, aho abakunzi ba basketball bari baje kwihera ijisho imikino ya 1/2 kugira ngo bamenye ngo nayahe makipe agiye kugera ku mukino wa nyuma ku nshuro ya mbere.

Ni umukino wari witezwe n’abakunzi benshi n’umukino nagombaga guhuza APR BBC na Patriots BBC. Uyu mukino niwo wari witezwe n’abakunzi benshi bitewe n’impamvu nyinshi.

Kugeza ubu muri shampiyona y’u Rwanda ya Basketball APR BBC niyo iyoboye aho ikurikiwe na Patriots BBC, ariko APR BBC ikaba irusha Patriots BBC imikino imaze gukina . Ikindi cyatumaga uyu mukino ukomera n’uko mu mukino ubanza Patriots BBC yari yatsinze APR BBC ndetse kuva uyu mwaka w’imikino watangira Patriots BBC yaritaratsindwa umukino n’imwe.

Ni umukino watangiye APR BBC iri hejuru cyane ya Patriots BBC kuko mu minota itanu ya mbere APR BBC yarifite amanota 12 kuri 2 ya Patriots BBC. Nyuma yiyo minota itanu ya mbere Patriots BBC yagarutse mu mukino maze itsinda amanota 15 mu gihe APR BBC yo yatsinze 17. Agace ka mbere karangiye APR BBC igatsinze amanota 29-17.

Mu gace ka kabiri, Patriots BBC yagarukanye imbaraga mu minota itanu ya mbere. Kuko yatsinze amanota 17 mu gihe APR BBC yatsinze amanota 6. Mu minota itanu ya nyuma APR BBC yisubiyeho maze itsinda amanota 13 mu gihe Patriots BBC yatsinze amanota 9 bituma bajya kuruhuka APR BBC iyoboye n’amanota 48-45.

Bavuye mu kiruhuko, APR BBC yagarukanye imbaraga maze mu minota itanu ya mbere itsinda amanota 12 ku manota 5 ya Patriots BBC. Aka gace ka gatatu karangiye APR BBC igatsinze ku manota 25 kuri 16 ya Patriots BBC.

Mu gace ka Kane ari nako kanyuma, APR BBC yakomeje kugenda imbere kuko mu minota itanu ya mbere yako yatsinze amanota 13 kuri 5 ya Patriots BBC, APR BBC yakomeje kugenda imbere maze aka gace ka Kane karangira APR BBC igatsinze ku manota 16 kuri 11 ya Patriots BBC. Imikino warangiye APR BBC itsinze Patriots BBC amanota  91 – 70 maze ihita igera ku mukino wa nyuma wa Rwanda Cup 2024 aho izahura na REG BBC yatsinze Espoir BBC.

Aya makipe azongera guhura mu mukino usoza shampiyona aho bazaba bahatanira umwanya wa mbere .

Umukinnyi watsinze amanota menshi ni Ndizeye Ndayisaba Dieudonne wa Patriots BBC yatsinze amanota 27

Undi mukino wabaye wa 1/2 ni umukino wahuje REG BBC na Espoir BBC, ni umukino watangiye ku isaha ya saa kumi n’ebyiri (18H00) .

Mbere y’uyu mukino REG BBC niyo yahabwaga amahirwe yo kugera k’umukino wa nyuma, ikibazo cyari kwibazwa ngo iri huura nande hagati ya APr BBC na Patriots BBC.

Uyu mukino waje kurangira REG BBC itsinze Espoir BBC amanota 98-72 ihita igera ku mukino wa nyuma.

Umukino wa nyuma uzaba tariki 9 Kanama 2024 uhuze REG BBC na  APR BBC ndetse n’umwanya wa gatatu uhuze Patriots BBC na Espoir BBC.