BUGESERA :Dr Frank Habineza yemereye abaturage umuhanda n’uruganda rukora amagare

kuri uyu wa 8 Nyakanga 2024, mu karere ka BUGESERA, Dr Frank Habineza Perezida w’ishyaka riharanira Demokarasi no kurengera ibidukikije (DGPR) akaba na Kandida ku mwanya wa Perezida wa Repubulika ubwo biyamamazaga muri aka karere yemereye abaturage amazi meza umuhanda wa kaburimbo n’uruganda rukora amagare bishimisha cyane abaturage bitabiriye ibi bikorwa.

Ibi bikorwa byatangiriye mu murenge wa Juru mu KARERE ka Bugesera, Dr Frank Habineza yemereye abaturage b’aka gace kuvugurura umuhanda Nyamata – Juru  ugashyirwamo Kaburimbo.

Avuga Kandi ko mu mihanda yose bazakora nibamara gutorwa bazashyiramo uruhande umunyamaguru azacamo ndetse n’uruhande rw’umunyegare.

By’umwihariko ku baturage ba Bugesera bitewe n’uko abaturage b’ibitsina byombi bakoresha amagare cyane bazashyiraho uruganda rukora amagare bikazafasha abaturage kuyabona ku giciro gito ndetse bakanayabo mu buryo bworoshye.

Ku kibazo cy’amazi kigaragara muri aka KARERE, Dr Frank Habineza avuga ko nibatorwa bazaha buri muturage w’u Rwanda litiro 100 z’amazi meza ku munsi.

Ibi bisubizo bya Dr Frank Habineza n’ishyaka DGPR byazamuye imbamutima z’abaturage ba Bugesera bamwizeza kuzamutora n’abadepite b’iri shyaka.